係而家呢個時代，我哋真係唔知道乜嘢係有型，淨係知道有一種氣氛慢慢醞釀，就係去追求比較文明嘅生活。但係乜嘢係文名呢？可能係對於你身邊嘅環境多啲了解，例如係你食嘅蔬菜係邊度黎？你飲嘅水係邊度黎？點解你屋企樓下剩係得商場？點解你唔可以掌握你自己嘅生活方式？咁究竟點解呢？
而當你一路去搵答案嘅時候，係過程裏邊有提出一啲乜嘢方法去接近一種我哋所謂比較文明嘅生活方式呢？
遠嘅唔講住講返青春工藝，痛哭酒館呢個地方。究竟呢個地方係點樣嚟嘅呢？
簡單講兩句，我哋一路以嚟係喺土瓜灣13街鳳儀街6號地下自己比少少錢租左一個地方，做啲木工班，教吓傳統入榫木工淨係櫈仔咁樣。之後師傅退休，我哋就諗喺城市裏邊我哋需要一個點樣嘅空間呢？ 係唔係淨係一個俾錢先可以坐入去嘅咖啡室？係咪一個淨係諗住自己嘅空間呢？另一方面又要顧及到租金點樣先可以持續落去。
所以我哋就開始轉型，係過程裏邊好多好多朋友一齊幫手，當中有一啲讀緊書嘅同學仔，亦有MaD 創不同嘅一啲朋友過嚟一齊幫手裝修，計劃活動，最重要係一齊討論。
所以而家我哋朝早就會開放行過嘅朋友可以過嚟飲下野有涼茶，簡單嘅咖啡咁樣。如果要食嘢13屆周圍都係唔同嘅餐廳，我哋比隻碟你地自己出去買，仲可以係過程裏邊真係經歷一下呢個社區。
星期五就會有車衣小宮女過嚟做下改衫，街坊都用得着。星期六日就會有一個做小金工首飾嘅小女孩有陣時教吓人，又會負責看舖。
呢度已經唔係單一用途嘅一個空間，亦都更加希望係將來有唔同嘅朋友可以同我地一齊去討論一下點樣去使用呢個空間，令到呢度更加好玩呢。
呢個就係我哋成日抱住一個青9春精神，我哋嘅城市我哋嘅生活唔可以就咁就算，就去試啦！就一齊去玩呀！
