一個叫做鱟地方嘅小販市集

琴日走咗去荃灣一個叫做鱟地方嘅小販市集，裏面有好多啲車衫姐姐或者叔叔幫人改衫，仲有各適其適一般平民大眾生活上邊會着嘅衣服。工人牛仔衫褲、底衫褲、仲有好多bra bra 池。

總之就好似一個大眾化時裝市集一樣。行過依一檔買婆婆衫嘅檔口，終於忍唔住問下老闆點解老人家咁鍾意啲紅色紫色嘅衣服。好多時候見到一班老人家聚埋一齊，可以全部都係着紫色，好似一抽葡提子咁樣。

呢個婆婆同埋兩個女都一齊喺度睇當，佢話老人家梗係鍾意啲醒目啲嘅顏色，所以紅色紫色搶眼就最啱。佢話呢啲衫大部份都係喺韓國入口，十分之受當地嘅老人家歡迎。

見到呢啲婆婆衫諗返起以前一個係九龍城做個嘅作品，嗰陣時因為Wing Lam Kobe Ko 搞周街展所以去咗九龍城一間叫做豐盛時裝嘅鋪頭，老闆仲講咗好多佢嘅故事比我聽。

（當時嘅作品介紹）
// 老闆在九龍城賣了幾十年衫，店內只賣兩種衣服。一，老年婆婆衫。二，大肚婆衫。 買這兩種衣服的顧客都要細心照料。問老闆為何會有這樣的決定，他說因為他師父是龍都人，他們教他要細心對待顧客。這門生意一做便幾十年。老闆還說幾代大肚婆到我這裏買衣服。 來這間店舖的客人都需要特別細心關注及照顧的老人家和大肚婆。所以希望來幫襯的顧客能夠更加感受到老闆那份細心的關懷。故此準備了一些湯水及健康的食譜寫在自製的插畫咭內。之後把插畫話咭放在衣服的口袋中讓顧客能在回家之後發現那些被收藏起來的插畫卡及食譜。希望那些插畫咭內的食譜能幫他們調理好身體之後再來幫襯老闆買衣服。