香港國際行為藝術節＠碧波押
上海街404號，係過去十幾年呢個地址都承載着唔同嘅藝術團體。記得第一次接觸呢一個空間應該係1998年當時嘅名稱係上海街視覺藝術空間，嗰陣時係油麻地返學都唔知點解會入咗去，結果嗰個暑假就喺嗰度幫手左幾個月。一路睇住呢十幾年係呢個空間有唔同嘅團體出現，發生唔同藝術類型嘅活動。
今日係碧波押開幕果晚之後第二個參與嘅活動，香港行為藝術節。有唔同香港及波蘭嘅藝術家參與，係呢一個街角曾經發生過唔同大大小小嘅藝術、社區活動。
行為藝術今次相信係第一次比較有規模咁樣發生，其實附近嘅街坊係長時間嘅互動底下已經有一定嘅經驗，見慣大場面。但係今日發生行為藝術嘅演出，對於附近街坊來講仍然相當有趣。
喺活化廰時期，附近街坊大家對於呢個空間就算係支持又好、唔知佢做乜又好、或者係有啲愛中國嘅街坊又好。佢哋大概都知道呢個空間嘅性質，亦都聚集咗一班固定參加嘅朋友。
今日輪到行為上場，究竟會點樣發生呢？
而附近嘅街坊有有咩反應呢？
首第一個個行為藝術演出係喺室內進行，及後到杜躍及波蘭藝術家Anna Kalwajtys由室內去到室外嘅演出，開始引來越來越多嘅街坊聚集。一直係街上偷聽街坊嘅意見，當然有啲街坊會話唔知發生咩事，有趣嘅係有其他街坊主動解釋，“行為藝術呀嘛，你老味佢哋講緊嘢呀，啦用紅色膠紙綁住即係話自己抖唔到氣俾政府搞到講唔到野，你明唔明呀”
一直去到波蘭藝術家Anna Kalwajtys嘅演出，佢慢慢開始除低身上嘅衣服剩低胸圍同埋底褲，呢個時候開始聚集越來越多嘅男性觀眾。
我是我都以為佢哋係嚟????嘢，但係慢慢發現當中有幾個真係討論緊究竟佢喺度做乜嘢？
再之後就有人報警話發現精神病人，大概係三分鐘之後白車先抵達現場，二話不說就喺救護車上邊抬囉擔架床，準備將疑似“精神病人”送上白車，呢個時候警察就到場啦。
首先佢哋上前希望疏散人群及了解事情。及後在場幾位行為藝術家上前解釋，擾攘嘅同事行為藝術繼續演出，大概過多五分鐘行為藝術完成，大家亦都慢慢散去。
有大概17年前嘅上海街視覺藝術空間，斷斷續續到活花廳，再到而家嘅碧波，呢一個油麻地嘅角落頭，盛載着唔同嘅可能性，究竟係將來呢一個角落頭仲會有咩發生呢？
（原文刊載於作者 facebook，14-04-2016。）
