某些回憶 美滿校服

筆為人知 February 20, 2018 則回應

作者簡介

筆為人知

筆為人知採訪各行各業老舖小店的東主,透過他們的歷程,從而感染年輕新一代,將往昔香港人的人情味以及踏實苦幹的獅子山精神繼續傳承下去。(臉書專:https://www.facebook.com/pg/untold.hk/about/?ref=page_internal )


成立了超過四十年的美滿校服,原本是一間普通時裝店,幸得其中一個教育界的股東入股,讓時裝店同時兼做校服。後來大股東隱退後,林氏兄弟便接手,在現址的樓上租了個單位作存貨之用。後來地舖的業主移民,林氏兄弟便把樓上舖搬到地下,一做便做了三十多年。

投標競價

「呢幾年教育署有個政策,就係要投標,有啲做一年、有啲做三年或五年……」林太說,校服這一行的競爭十分大,主要近年區內的學生較少,校服的生產量也相對減少。十多年前,教育署規定政府資助的小學,都要校服廠商根據程序投標,還要看學校的意願,有機會會多於一間廠商成功投標。「以前校服顏色好簡單,唔係藍就係白或者灰,而家做校服好似做時裝咁,女仔啲校服裙有啲要格仔布,啲布好尛𡮐㗎。」林太認為現在除了較難在投標上贏得新業務外,就連採購布料也較難,同樣的布料可能只做一間學校的校服而並不適用於另一間,所以規模上讓生產成本上升,大大減低邊際利潤。

便利的售後服務

「你改長改短我會同你哋做,會收少少手工費。譬如出面收你四、五十蚊,我哋只係收廿零卅蚊左右。我哋得閒嘅話你想聽日嚟攞都得,但出面可能要隔一個星期先有得攞,變相家長都比較鐘意我哋呢方面嘅售後服務。」林太說,美滿校服提供的售後服務儘量迎合街坊需要,所以比較有彈性,在這一方面美滿比大牌的校服店有相對上的優勢。

微電影工作坊

談及有趣的往事,林太提及以往多次讓出場地作拍攝的臨時工作坊。「有一次有廣告公司想嚟拍廣告,但因為影響生意,所以我哋無俾佢地做;又有一次有班大學學生嚟拍微電影交功課,但拍完之後無俾我哋睇返佢哋嘅作品,又無致謝,變相我哋覺得佢哋過橋抽板,搞到有咗戒心,依家我哋已經無俾外人用場地做拍攝工作。」有時伸出援手打開方便之門,卻換來無情的對待,令林太堅持不再讓出場地,以免影響校服店的生意。

回憶的拼湊

小時候由穿上簇新的校服,到衣袖太短褲管太高的大換裝,再到新學校的送舊迎新……校服的確是陪伴大家成長的最佳見證。現在不再需要穿上校服的自己,不禁有點懷緬過去的青春歲月。

開業歷史  – 1976年
業務    校服
地址    深水埗九江街161號地下
電話   2361 5802

 

(原文刊於作者網頁: https://untoldhk.blogspot.hk/2018/02/blog-post.html?spref=fb

作者Facebook專頁:https://www.facebook.com/untold.hk/?ref=br_rs )